პარტია ,,ქართული ოცნება“ დემოკრატიული საქართველოს თავმჯდომარე ირაკლი კობახიძე კომენტარს აკეთებს უკრაინაში დაგეგმილი ვიზიტის შესახებ და აცხადებს, რომ კონკრეტულ არგუმენტებზე დაყრდონით მმართველმა გუნდმა გაიზიარა პარლამენტის თავმჯდომარის, შალვა პაპუაშვილი ინიციატივა და რაც ვიზიტის განხორციელების საფუძველი ხდება:
,,საკითხთან დაკავშირებით ყველა ვიყავით ჩართული, პრემიერიც იყო ამ კონსულტაციებში და საბოლოო ჯამში გავიზიარეთ ჩვენ შალვას ინიციატივა უკრაინაში წასვლასთან დაკავშირებით, სხვადასხვა არგუმენტზე დაყრდნობით.
ჩვენ ასევე ყურადღებით ვადევნებდით თვალ-ყურს ინტერვიუს, რომელიც შედგა უკრაინის პარლამენტის თავმჯდომარესთან, სადაც მოვისმინეთ ძალიან საინტერესო და ოპტიმიზმით, ასე თქვათ, გაჯერებული გზავნილები ორმხრივ ურთიერთობებთან დაკავშირებით.
ეს ყველაფერი გახდა, რა თქმა უნდა, ჩვენი გადაწყვეტილების საფუძველი.
ჩვენთვის მნიშვნელოვანია უკრაინის მიმართ სოლიდარობის გამოხატვა უმაღლეს დონეზე, როგორც ხალხის, ასევე – სახელმწიფოს.
ამ კუთხით არის შალვა პაპუაშილის, პარლამენტის თავმჯდომარის ვიზიტი ძალიან მნიშვნელოვანი.
ასევე ორმხრივ ურთიერთობებზე იქნება, ბუნებრივია, საუბარი ამ ვიზიტის ფარგლებში“, – განცხადა ირაკლი კობახიძემ.
