ორგანიზაცია “ყოფილი პოლიტპატიმრები ადამიანის უფლებებისთვის” დამფუძნებელი ნანა კაკაბაძე უკრაინის თავდაცვის სამინისტროს სადაზვერვო სამსახურის მიერ გავრცელებულ ინფორმაციას ეხმაურება:
“უკრაინის ხელისუფლება საქართველოს ცილს სწამებს…
უკრაინის ხელისუფლება თითქმის ყოველდღე იცლის საქართველოს საწინააღმდეგო განცხადებებისთვის. ამჯერად საქმე იქამდე მივიდა, რომ საქართველო პირდაპირ დაადანაშაულეს რუსეთისათვის იარაღის მიწოდების სატრანზიტო გზის გახსნაში.
უკრაინის ხელისუფლებაში ჩაბუდებული ნაცებიდან გადმოცემული პასი ოსტატურად მიიღეს აქაურმა ნაცებმა, ატეხეს წივილ-კივილი, იციან რა, რომ ეს ფაქტი ყალბია, არ ინტერესდებიან, რას ემყარება იგი.
მით უმეტეს, ამ ინფორმაციას ავრცელებს უწყება, რომლის ერთ-ერთ ხელმძღვანელად სულ ახლახანს მამალი ნაცი (ადრე იგორ გიორგაძის უწყების მაღალჩინოსანი) გია ლორთქიფანიძე დაინიშნა. ჩვენ მივმართავთ უკრაინის საელჩოს საქართველოში: ან დაადასტურეთ ეს სკანდალური ინფორმაცია კონკრეტული ფაქტებით, ან უარყავით ცილისწამება და პასუხი აგებინეთ მის გამავრცელებელ წყაროს“, – წერს ფეისბუქის პირად გვერდზე ნანა კაკაბაძე.
ინფორმაციისთვის: როგორც უკრაინული მხარე აცხადებს – სანქციების გვერდის ავლით, რუსი აგენტები, საქართველოს ტერიტორიაზე, კონტრაბანდის არხებს ქმნიან, ხოლო საქართველოს სპეცსამსახურების წარმომადგენლებს, პოლიტიკურმა ხელმძღვანელობამ, დაავალა, რომ ხელი არ შეეშალათ კონტრაბანდისტების საქმიანობისთვის.
