“ეთნიკურ და კონფესიურ ურთიერთობათა ცენტრის” ხელმძღვანელი, თეოლოგი ლელა ჯეჯელავა ოკუპირებული ცხინვალი რეგიონის თვითგამოცხადებული პრეზიდენტის, ანატოლი ბიბილოვის პოზიციას ეხმაურება და კონკრეტულ პარალელს ავრცებს საქართველოს ხელისუფლებასთან:
“როდესაც ანატოლი ბიბილოვი ამბობს, რომ რუსეთისათვის ომი არის ომი ოსეთისათვის, – არის ადეკვატური, ზუსტად აფასებს დღევანდელ მოცემულობას, არის გულწრფელი და მართალი რუსეთის და იმ ხალხის წინაშეც, ვინც ის აირჩია. მაგრამ როდესაც საქართველოს ხელისუფლება ამბობს, რომ ომი არის უკრაინაში, არ მიაგებს პატივს რუსეთის წინააღმდეგ ომში დაღუპულ მებრძოლებს, ერჩის საქართველოს პრეზიდენტს უკრაინის ღია მხარდაჭერისათვის, ვის წინაშეა ის მართალი?
ომი არ მინდა, მაგრამ მინდა ვიცოდე რა კანონზომიერებაზე დაყდნობით აღმოჩნდა საქართველოს ხელისუფლება ბიბილოვთან ერთად ისტორიის ერთ მხარეს?” – წერს ფეისბუქის პირად გვერდზე ლელა ჯეჯელავა.