მმართველ გუნდში განმარტებებს აკეთებენ საკონსტიტუციო სასამართლოს შესახებ კანონში დაგეგმილ ცვლილებებთან დაკავშირებით, რისი ინიციატივითაც გამოდიან. აღნიშნულ საკითხზე განცხადებას აკეთებს, ფრაქცია ,,ქართული ოცნების“ თავმჯდომარის პირველი მოადგილე გივი მიქანაძე და აცხადებს, რომ ეს ცვლილებები პრეზიდენტის უფლება-მოსილებას არ შეზღუდავს:
,,ცდომილება კონსტიტუციის შესაბამის ნორმასა და საკონსტიტუციო სასამართლოს შესახებ ორგანულ კანონს შორის რომ არსებობდა, ჩვენთვის აქამდეც იყო ცნობილი.
ეს საკითხი რომ დაგვეძრა – ამას დარწმუნებული ვართ, რომ მოჰყვებოდა შესაბამისი სპეკულაციები. სწორედ ამიტომ ეს ცვლილებები აქამდე არ იქნა დაინიცირებული.
აღნიშნული ცვლილებები პრეზიდენტის უფლება-მოსილებას არანაირად არ შეზღუდავს, იგი შესაძლებელს გახდის კონსტიტუციის შესაბამისი ჩანაწერის სრულფასოვნად განხორციელება შესაძლებლობა იყოს“, – განაცხადა გივი მიქანაძემ.
ავტორი
ნინი ხიჯაკაძე
