ჰააგის სასამართლოს პროკურორებთან შეხვედრას უკრაინის მხრიდან ესწრებოდა საქართველოს იუსტიციის ყოფილი მინისტრი და ყოფილი გენერალური პროკურორი ზურაბ ადეიშვილი. ამ ფაქტთან დაკავშირებით მწვავე კომენტარს აკეთებს პარლამენტის იურიდიულ საკითხთა კომიტეტის თავმჯდომარე ანრი ოხანაშვილი:
,,ქვეყანა, რომელიც ომშია, ამ ეტაპზე არ არის მიზანშეწონილი რაიმე ტიპის განცხადების გაკეთება.
თუმცა, ფაქტი როგორც ასეთი, რომ ძებნილი ადამიანი ზის რაიმე ტიპის მოლაპარაკებათა მაგიდასთან, რომელიც მხილებულია უმძიმესი დანაშაულების ჩადენაში, ადამიანის უფლებების ფეხქვეშ გათელვაში, რა თქმა უნდა, სრული ნონსენსია“, – განაცხადა ანრი ოხანაშვილმა
ცნობისთვის, ზურაბ ადეიშვილი არის საქართველოს ყოფილი გენერალური პროკურორი, რომელიც “ქართული ოცნების” მმართველობის პერიოდში გასამართლებულია და დაუსწრებლად მიესაჯა პატიმრობა. ამჟამად იგი უკრაინის მოქალაქეა და აქტიურად არის ჩართული ამ ქვეყნის პოლიტიკურ პროცესებში.
ავტორი
ნინი ხიჯაკაძე
