„სტრატეგია აღმაშენებლის“ ლიდერი გიორგი ვაშაძე ომის დაწყების პირველივე დღიდან უკრაინაში იმყოფება. ოპოზიციონერი ლიდერი ჩერნოვცში იმ დაწესებულებებში იმყოფებოდა, სადაც ჰუმანიტარული დახმარების მიზნით გაგზავნილი ტვირთი გროვდება.
გიორგი ვაშაძე გაეცნო ჰუმანიტარული დახმარების სახით კონკრეტულად რა საჭიროებებია ომში მყოფი ქვეყნისთვის. ვაშაძის თქმით მიზანშეწონილი იქნება თუ უკრაინელ მოქალაქეებს დახმარებას სწორად გავუწევთ – პირველ რიგში კი მედიკამენტების, საკვების და ჰიგიენური საშვალებების აუცილებლობაა, რომელიც ფრონტის ხაზზე მყოფ ადამიანებსს დაეხმარება:
„მთელი უკრაინა ჩართულია მოხალისეობრივ საქმიანობაში, საოცარი თვითორგანიზებაა, მაგრამ ბევრი საქართველოდან მირეკავს ხოლმე და მეკითხება რა საჭიროებაა?! პირველ რიგში მედიკამენტების საჭიროებაა განსაკუთრებით ბავშვებიშთვის, პირველადი დახმარების მედიკამენტები, ჰიგიენური საშუალებები ბავშვებისთვის და ეს ძალიან მნიშვნელოვანია.
ასევე ისეთი საკითხები, როგორიც არის სამხედროებისთვის დამატებითი ელემენტები, ბინოკლი, კომპასი და მსგავი ნივთები. ნაკლებად საჭიროა ტანსაცმელი, რადგან ძალიან ბევრი ტანსაცმელი ჩამოვიდა და თვითონაც ამბობენ, რომ საჭიროება არ არის. საკვების საჭიროება მაღალია, როდესაც ჩერნოვცში ჩამოდის, შემდეგ იწყება განაწილება: ხარკოვში, სუმში და იმ ფრონტის ხაზზე სადაც უშუალოდ მძიმე ვითარებაა. ძირითადად ჰუმანიტარული ტვირთი, რომელიც აქ მოდის და გროვდება, მიდის პირდაპირ იმ ქალაქებში სადაც ფრონტის ხაზია და საომარი მოქმედებები მიმდინარეობს.
ვფიქრობ, დახმარება, რომელსაც ვუწევთ, უმჯობესი იქნება სწორად დავეხმაროთ. ის თანხები, რომელიც მობილიზებული გვაქვს, დავხარჯოთ სწორად და ჩვენს მიერ გაწეული დახმარება საჭიროებისამებრ მიუვიდეს ყველა ოჯახს – მედიკამენტები, საკვები, ჰიგიენური საშვალებები და ნივთები, რომლებიც ფრონტის ხაზზე მყოფ ადამიანს დაეხმარება“, – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს