მალხაზ (ვახა) მასალიკაშვილია წლებია ითხოვს მისი შვილის, თემირლან მაჩალიკაშვილის მკვლელობის საქმის გამოძიებას და დამნაშავეების დასჯას, თუმცა ამ მხრის საქმე წინ არ წასულა. ამასთან დაკავშირებით სოციალურ ქსელში პოსტს აქვეყნებს შვილმოკლული მამა და სუს-ის მაშინდელი მაღალჩინოსნების პასუხისგებაში მიცემას მოითხოვს:
“გასაგებია, მძიმე ვითარებაში ვართ დღეს, უპატრონოდ დარჩენილი ქვეყანა – სიდუხჭირე, შიმშილი, მძიმე პირობები, ქვეყნიდან ამის გამო გაქცეული მილიონობით მოქალაქე, უსამართლობა, კრიმინალი და ამ ყველაფრის მიუხედავად მართვის სადავეებს ჩაბღაუჭებული რუსული ოცნების “ქართული ოცნება”, რომელიც რუსის მონად არის დასახელებული თვით რუსეთის ფედერაცის მიერ.
დროა, მგონი, უკვე რაღაც-რაღაცებს ფარდა აეხადოს. დროა, მგონი, სუს-ის უფროსის ყოფილი პირველი მოადგილის სოსო გოგაშვილის პასუხისგებაში მიცემის. დროა უკვე ანტიტერორისტული ცენტრის ყოფილი შეფის, აწ უკვე გაფარჩაკებული, ირაკლი ჩიმაკაძის პასუხგებაში მიცემის საკითხი დადგეს, მაშინდელი მათი “ნასედკები”, რა თქმა უნდა, გამოვლენილია თითქმის ყველა, უკლებლივ.
ვფიქრობ, დადგა დრო თქვენც დაფიქრდეთ, რომ ამ ადამიანების ჩადენილი ცოდვა არ იქნება სიკეთის და სიმშვიდის მომტანი, ამ ქვეყნისთვის, ისედაც არ ვართ კაი დღეში. თემირლანის დედის წყევლა მძიმე კვალს დატოვებს სამომავლოდ, თუ ეს ადამიანები პირუტყვები იქნებიან, დაუსჯელები, ვინც ეს სისასტიკე ჩაიდინეს, ვინც ამ სისასტიკეს თქვენებური სახელი დაარქვით, 5 წელია დუმხართ ჯოჯოხეთური სიყალბით.
დღევანდელ მსოფლიოში ისე სწრაფად იცვლება მოვლენები, ვინ იცის ხვალ რა მოხდება გაეცით ამ ოჯახს პასუხი გამოაავლინეთ მკვლელები.
და ასევე მინდა გითხრათ, რომ მორჩით ჩემზე უაზრობის საუბარს თითქოს პოლიტიკოსობაზე ვფიქრობ ან რამე თანამდებობაზე მიჭირავს თვალი, ეხლა თუ სამომავლოდ. გეყოფათ – მე არ მჭირდება არც არაფერში, ეს თქვენნაირების ადგილია და არა ჩემი და ჩემნაირების. მე თავად ვიცი რა მჭირდება. აქ, ამ საქმეს გაეცით პასუხები, სანამ არაა გვიანი“, – წერს ფეისბუქის პირად გვერდზე მალხაზ მაჩალიკაშვილი.
