ეკონომიკის ექსპერტი დავით ნებიერიძე კონკრეტული იდეის გარშემო ოპოზიციის გაერთიანების იდეა-შეთავაზებით გამოდის:
“თუ გვინდა, რომ ოპოზიციამ აღვადგინოთ გამარჯვების რწმენა ხალხში და ახალ ნიშნულზე ავიყვანოთ წინააღმდეგობის ფრონტი, მაშინ ერთხელ მაინც უნდა გადავახდევინოთ ივანიშვილს უმძიმესი პოლიტიკური ფასი იმისთვის, რასაც ის სჩადის.
ნიჰილიზმია მთავარი კატალიზატორი და პრობლემა ზუსტად იმაშია, რომ დღემდე ეს კოლაბორაციონისტი და უზურპატორი ძალა დაუსჯელად მოქმედებს და არასოდეს გადაუხდია პოლიტიკური საზღაური. ზუსტად ამაზე დგას ივანიშვილის უძლეველიბის მითი და ზოგადად მისი ხელისუფლება.
მთელმა ოპოზიციამ უნდა მოვახერხოთ ამ იდეის გარშემო კონსოლიდაცია. წინააღმდეგ შემთხვევაში კიდევ უფრო გაიზრდება ნიჰილიზმი და კიდევ უფრო გაძლიერდება ივანიშვილის პოზიციები. ხალხს სწყურია გამარჯვების გემო. თუნდაც მცირედი, თუნდაც შუალედური, მაგრამ გამარჯვების გემო, რომელიც გარდატეხის შემტანი უნდა გახდეს. ერთი ხელის მოსმით არავინ ითხოვს ჩვენს გამარჯვებას – ნაბიჯ ნაბიჯ! მაგრამ მტკიცედ და ურყევად!” – წერს ფეისბუქის პირად გვერდზე დავით ნებიერიძე.
