ველური ბუნების ეროვნული საგენტო საინტერესო ფოტოს აქვეყნებს და ინფორმაციას ავრცელებს მდინარის კალმახის ქვირითისა და ლარვის ველურ ბუნებაში გაშვებასათან დაკავშირებით:
მდინარის კალმახის ქვირითი თვალების სტადიაზე, როდესაც ქვირითში ლარვა ჩანს.
ინკუბაციის 70-ე დღე.
მდინარის კალმახის ქვირითისა და ლარვის ველურ ბუნებაში გაშვება არის მეთოდი, რომელიც ხელს უწყობს, ადამიანის მინიმალური ჩარევით, მოწყვლადი სახეობის მომრავლებას და მაქსიმალურად ზრდის ბუნებრივად გამოჩეკვის პროცესს.
ქვირითი ნაყოფიერდება ხელოვნურად, გამოჩეკვამდე მდინარის ინკუბატორში თავსდება და წყლის მდორე სათავეებში ეწყობა.
სახეობების გამრავლების ხელშეწყობის აღნიშნული მეთოდი ევროპის არაერთ ქვეყანაშია აპრობირებული.
