საპარლამენტო უმრავლესობის წევრი, იურიდიულ საკითხთა კომიტეტის თავმჯდომარე ანრი ოხანაშვილი კონკრეტულ განმარტებებს აკეთებს ოპოზიციის მიერ ინიცირებულ საგამოძიებო კომისიის შექმნასთან დაკავშირებით:
,,ოპოზიცია თუ გადაწყვეტს ამ საკითხის პლენარულ სხდომაზე დაყენებას, ეს საკითხი დადგება. შესაბამისად, ჩვენ გაცხადებული გვქონდა პოზიცია, რომ ერთი მხრივ, სიმართლე რაც არის და რაც ჩვენ ყველამ საჯაროდ ვიხილეთ, სადაც დანაშაულის ნიშნების გამოკვეთაზე საუბარი ზედმეტია, ერთადერთი რაც შეიძლება დაადგინოს ეს სიმართლეა, რომ არანაირ დანაშაულს ადგილი არ ჰქონია.
თუმცა ჩვენ რომ მხარი დავუჭიროთ ამ საგამოძიებო კომისიის შექმნას, ეს ნიშნავს, რომ ჩვენ იმ საჯარო ინფორმაციით თუ ვიდეოკადრებით და ასე შემდგომ რაღაცა კითხვის ნიშნებს ვსვამთ. მაშინ, როცა მე არ მაქვს ასეთი კითხვის ნიშანი. თუ ვინმეს რაიმე სამართლებრივი პროცედურის განხორციელება შეუძლია არავინ არ არის ამაში შეზღუდული – სამართლებრივად იდავოს ამ საკითხთან დაკავშირებით და არა პოლიტიკურად საქართველოს პარლამენტში”, – განაცხადა ანრი ოხანაშვილმა.
ავტორი
ნინი ხიჯაკაძე
