“მიმდინარეობს არასწორი მკურნალობა და მე ამას ცალსახად წამებად განვიხილავ!” – მარიამ ჯიშკარიანი

ცენტრ ,,ემპათიას“ ხელმძღვანელი მარიამ ჯიშკარიანი საქართველოს მე-3 პრეზიდენტის მკურნალობასთან დაკავშირებით მორიგ მწვავე შეფასებებს აკეთებს და პენიტენციურ სამსახურს მოუწოდებს, რომ მიხეილ სააკაშვილის ჯანმრთელობის მდგომარეობის შესახებ კონკრეტული განმარტებები გააკეთონ:

,,ყოველივე ეს არაადამიანური მოპყრობის ფარგლებს სცილდება. 3 თვის განმავლობაში ადამიანი არ იღებს ადეკვატურ მკურნალობას, რაც უკვე მიუთითებს იმაზე, რომ სახეზე გვაქვს მიზანმიმართული ინვალიდიზაცია ადამიანის.

მოვუწოდებ პენიტენციურ სამსახურს, ჩვენ იქ 1 თვეა შესვლის საშუალება არ გვეძლევა, გამობრძანდნენ და გასცენ საზოგადოებას პასუხი ჯანმრთელია თუ არა მიხეილ სააკაშვილი, რა უმკურნალეს და რა შედეგები მიიღეს ამ მკურნალობით. იგი გადის არაადეკვატურ მკურნალობას. კვლავ ეძლევა ანტიფსიქოზური პრეპარატი.

მიმდინარეობს არასწორი მკურნალობა და მე ამას ცალსახად წამებად განვიხილავ!“, – განაცხადა მარიამ ჯიშკარიანმა.

ავტორი
ნინი ხიჯაკაძე