“ერთიანი ნაციონალური მოძრაობის” გადაწყვეტილებას პარლამენტის ბოიკოტის შეწყვეტასთან დაკავშირებით, ეხმაურება მმართველი პარტიის ერთ-ერთი ლიდერი, სოზარ სუბარი. საპარლამენტო უმრავლესობის წევრი ერთგვარი ეჭვის თვალით უყურებს აღნიშნულ გადაწყვეტილებას და აცხადებს, რომ არ სჯერა მათი კონსტრუქციული საქმიანობის და არც ოპოზიციური პარტიის მიერ დაანონსებული საგამოძიებო კომისიის შექმნისთვის აპირებს მხარდაჭერას:
“კონსტრუქციულობა, ხელისუფლებაში როცა იყვნენ მაშინ ვერ მოახერხეს და შეუძლებელია დღეს ისინი კონსტრუქციულ ნიადაგზე გადავიდნენ, მით უმეტეს, რომ მათი ბელადი ციხიდან ყოველდღე ქუჩაში გასვლისკენ მოუწოდებს. ქუჩაში არის მათი ადგილი და ქუჩაში დარჩებიან საბოლოოდ.
რაც შეეხება საგამოძიებო კომისიას, ჯერ შემოიტანონ, დააყენონ საკითხი რა უნდათ, რას გულისხმობენ, რას იძიებს სასამართლო, რას ვერ იძიებს გამოძიება. მე, ჩემის მხრივ, ძალიან სკეპტიკურად ვარ განწყობილი და პირადად ჩემი მხარდაჭერა ამ კომისიას არ ექნება“, – აცხადებს სოზარ სუბარი.
