ანალიტიკოსი ლევან ნიკოლეიშვილი, უკრაინასთან დაკავშირებით პარტია “ქართული ოცნების” მიერ მომზადებული რეზოლუციის ტექსტის შეფასებისას, აღფრთოვანებას ვერ მალავს და აღნიშნავს, რომ მასში სწორი, უდავო, საყოველთაოდ აღიარებული მოცემულობები და მარტივი ჭეშმარიტებებია მოტანილი:
“ქართულმა ოცნებამ აჩვენა უმაღლესი კლასი!
პირველი და მთავარი, – საგარეო საკითხებთან მიმართებით სწორი პოზიციონირებისათვის, შექმნა რეზოლუციის ტექსტი, რომელშიც გამოხატა ღია მხარდაჭერა უკრაინელი ხალხის და უკრაინის სუვერენული უფლებების მიმართ, ამავდროულად ტექსტს მსოფლიოში ვერავინ ეყოლება შემდავებელი (თქვენ წარმოიდგინეთ რუსებიც კი), იმდენად უდავო, სწორი და საყოველთაოდ აღიარებული მოცემულობები და მარტივი ჭეშმარიტებებია მოტანილი!
ამასთანავე, საქართველო იქნება პირველი ქვეყანა, რომელიც უკრაინის მხარდამჭერ რეზოლუციას მიიღებს!
ქვეყნის შიგნით, ერთი ის რომ, გაემიჯნა რადიკალური ოპოზიციის პოზიციას, არ დაფიქსირდა მათთან ერთად ხელმომწერად, რითაც თავი დაიზღვია პროვოკაციული რიტორიკისგან როგორც ახლა, ისე (განსაკუთრებით) მომავალში. და მეორე, – იმავდროულად ოპოზიციასაც დააფიქსირებინა, რომ რეზოლუციის პრინციპებს ეთანხმებიან.
მართლა ბრავო!” – წერს ფეისბუქის საკუთარ გვერდზე ლევან ნიკოლეიშვილი.
