მმართველი პარტიის ერთ-ერთი ლიდერი, ფრაქცია “ქართული ოცნების” თავმჯდომარე მამუკა მდინარაძე განმარტებებს აკეთებს უკრაინის მხარდამჭერი რეზოლუციის ტექტსთან დაკავშირებით. მისი განცხადებით, პარტიის მიერ მომზადებულ პროექტში თითოეული სიტყვა არის გაზომილი და არცერთი ფრაზა არ არსებობს, რაც შეიძლება იყოს სადაო:
,,რეზოლუციის ტექსტი, რომელსაც საბოლოო ჯამში, საქართველოს პარლამენტი მიიღებს, დაცლილია ყოველგვარი პოპულისტური თუ პროვოკაციული რიტორიკისგან. ამის დრო აქ ნამდვილად არ არის.
რუსეთის ინტერესების გატარებას ეხლა, ამ შემთხვევაში და რაღაცა პროვოკაციული რიტორიკის, მათ წისქვილზე წყლის დასხმის მცდელობას, მე თქვენ ვერ აგიკრძალავთ.
მათ, საბოლოო ჯამში, უნდა დაუჭირონ მხარი ამას იმიტომ, რომ აქ თითოეული სიტყვა არის გაზომილი და არცერთი ფრაზა არ არსებობს, რაც შეიძლება იყოს სადაო.
აქედან გამომდინარე, შეიძლება შემდგომში დაუჭირონ მხარი და შეიცვალონ პოზიციები”, – განაცხადა მამუკა მდინარაძემ.
ავტორი
ნინი ხიჯაკაძე
