“რეფორმების ჯგუფის” ლიდერები ხათუნა სამნიძე, გიორგი ვაშაძე, თეონა აქუბარდია და სერგო ჩიხლაძე საქართველოში უკრაინის ელჩს, იგორ დოლგოვს შეხვდნენ და უკრაინისადმი მხარდაჭერა დააფიქსირეს. როგორც შეხვედრის შემდეგ რეფორმების ჯგუფის თავმჯდომარემ ხათუნა სამნიძემ აღნიშნა, ჩვენი სტრატეგიული პარტნიორის მხარდაჭერა და მხარდაჭერისთვის პრაქტიკული ნაბიჯების გადადგმა, მათ შორის, ხმამაღალი მხარდამჭერი განცხადებები, სასიცოცხლოდ მნიშვნელოვანია.
შეხვედრაზე მყოფმა “სტრატეგია აღმაშენებლის” თავმჯდომარემ გიორგი ვაშაძემ ასევე აღნიშნა, რომ ხელისუფლების პოზიცია, რომელიც სირაქლემის პოზიციაა უკრაინასთან მიმართებაში, დიდი საფრთხის მომტანია საქართველოსთვის. ვაშაძის აზრით ის პრინციპი, რომელიც აქვს უკრაინას, ,,არაფერი უკრაინის შესახებ, უკრაინის გარეშე”, უნდა ვრცელდებოდეს საქართველოს მაგალითზეც.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს.
