პარტია ,,სტრატეგია აღმაშენებლის“ და პარლამენტის ფრაქცია ,,რეფორმების ჯგუფის“ წევრი თეონა აქუბარდია კონკრეტულ განცხადებას აკეთებს იმ ინიციატივასთან დაკავშირებით, რომელიც ეხება უკრაინისთვის მხარდაჭერასა და სოლიდარობის გამოცხადებას:
,,დღეს დავასრულეთ კონსულტაციები ოპოზიციურმა ძალებმა პარლამენტში უკრაინის მხარდამჭერი რეზოლუციის მიღებასთან დაკავშირებით. ამასთან მიმართებაში მნიშვნელოვანია, რომ საქართველოს პარლამენტმა ერთობლივად შევძლოთ როგორც პროექტის ინიცირება, ასევე, დაუყოვნებლივ შემდეგ სასესიო კვირას მოხდეს ამ რეზულიციის ერთობლივი მხარდაჭერის გზით დასრულება.
ჩვენ გვაქვს კონკრეტული შეთავაზებები. მათ შორის ვითხოვთ, ,,ქართულ ოცნებასთან“ კონსულტაციებს. იმისთვის, რომ აუცილებელია ამ ვითარებაში გვქონდეს ერთიანი პოზიცია უკრაინის მხარდაჭერასთან მიმართებაში. შესაბამისად, გვაქვს კონკრეტული ზომები და ასევე ინიციატივები, რაც შეიძლება საპარლამენტო დონეზე ჩვენ გავაკეთოთ უკრაინის მხარდასაჭერად“, – განაცხადა თეონა აქუბარდიამ.
ავტორი
ნინი ხიჯაკაძე