“საქართველოს პარლამენტის თავმჯდომარის ასე აბუჩად მოხსენიება, რომ მან დრო ვერ გამონახა და ვერ მოიცალა – არ არის კორექტული!“ – ირაკლი ქადაგიშვილი

პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილი პარლამენტის თავმჯდომარესთან არშემდგარ შეხვედრასთან დაკავშირებით ევროპარლამენტარების პოზიციას ეხმაურება:

,,საქართველოს პარლამენტის თავმჯდომარის ასე აბუჩად მოხსენიება, რომ მან დრო ვერ გამონახა და ვერ მოიცალა – არ არის კორექტული!

როდესაც 2 დღით ადრე ეუბნები პარლამენტის თავმჯდომარეს, რომ ახლა ჩამოვდივარ, რაღაცა ფორმატს ვიწყებ და ეს ფორმატი ამ დროს სულ სხვა რეჟიმში, სულ სხვა დონეზე უნდა შეთანხმდეს, რა თქმა უნდა, ამ შემთხვევაში ეს არ არის კორექტული დამოკიდებულება არც საქართველოს პარლამენტის მიმართ.

ევროპარლამენტარების ვიზიტი პარლამენტის თავმჯდომარესთან შეთანხმებული არ იყო. პარლამენტის თავმჯდომარის განცხადება არის სიმართლე – წაიკითხეთ პარლამენტის თავმჯდომარის კაბინეტის განცხადება.

დანარჩენი ის, რაც უნდა ემსახურებოდეს პოლარიზაციის შემცირებას გამოდის, რომ ემსახურება პოლარიზაციის გაზრდას“, – განაცხადა ირაკლი ქადაგიშვილმა.

ავტორი
ნინი ხიჯაკაძე

ინფორმაციისთვის – პარლამენტის თავმჯდომარის კაბინეტის განცხადება:

“21 იანვარს სამი ევროპარლამენტარის მიერ გავრცელებული განცხადება მხოლოდ და მხოლოდ ზრდის პოლარიზაციის რისკებს და ხელს არ უწყობს დიალოგის დაწყების პროცესს” – საქართველოს პარლამენტის თავმჯდომარის კაბინეტი