პარლამენტის პირველი ვიცე-სპიკერი, გიორგი ვოლსკი პოზიციას აფიქსირებს სახალხო დამცველის მიერ შექმნილი ექსპერტთა (ექიმთა) ჯგუფის მიერ მომზადებულ დასკვნასთან დაკავშირებით:
,,ციხე არ არის კომფორტული ადგილი, სადაც ადამიანი წყნარად გრძნობს თავს. ათასობით ადამიანი, ვინც გამოიარა ციხე, გამოიარა წამება და დამცირება, რაც სააკაშვილს ჰქონდა შემქნილი – ზუსტად ამ მდგომარეობაში იყვნენ.
რაც შეეხება ფსიქოლოგიურ/ფსიქიკურ მდგომარეობას ამის თაობაზე ლაპარაკი ძალიან გახშირდა. სწორედ ამ მდგომარეობის გამოხატულება არის მისი მოწოდებები დესტაბილიზაციისაკენ, რევოლუციური პროცესების განვითარებისკენ”, – აცხადებს გიორგი ვოლსკი.
მმართველი პარტიის ერთ-ერთი ლიდერი შეფასებას აკეთებს ასევე ახალქალაქის, კუმურდოს და კარის მიტროპოლიტის, მეუფე ნიკოლოზის ინიციატივაზე და აცხადებს, რომ ადამიანს ეკლესიაში მოთავსება შეიძლება უფრო მძიმე ფსიქოლოგიურ მდგომარეობად ექცეს, ვიდრე ციხის კედლებში:
“არ ვიცი, მეუფეს იდეები თუ უკავშირდება ეგზორციზმს, მაშინ შეიძლება ეს რაღაცა ფანტასტიკის სფეროდან ან რაკურსით ვიმსჯელოთ.
მაგრამ თუნდაც ეს რომ იყოს კანონით დაშვებული, ადამიანის ეკლესიაში მოთავსება შეიძლება უფრო მძიმე ფსიქოლოგიურ მდგომარეობად ექცეს, ვიდრე ციხის კედლებში“, – მიაჩნია გიორგი ვოლსკის.
ავტორი
ნინი ხიჯაკაძე
