პარლამენტის პირველი ვიცე-სპიკერი გიორგი ვოლსკი პოლიტიკურ შეფასებას და კონკრეტულ პოზიციას აფიქსირებს ,,მთავარი არხის“ გენერალური დირექტორის ნიკა გვარამიას საქმესთან დაკავშირებით:
,,რაც უფრო სულელური იქნება განცხადება, რაც უფრო წარმოუდგენელი იქნება ის ბრალდება თუ მოგონილი ამბავი, რასაკვირველია, მით უფრო მეტ ყურადღებას მიიქცევს ჩვენს ისედაც სკანდალს მოწყურებულ მედია სივრცეში.
იმის შესახებ, რომ ,,ქილერები“ ჩამოდიოდნენ, მაგრამ ბოლო წუთში ,,ფეესბესი“ შეეშინდათ, რომ იქ ნიკა არ მოეკლათ და უკან გაუშვეს – ეს არის ახალი მოგონილი თემა, რომელიც გარკვეულწილად ავსებს იმ სტრატეგიას, რომელიც ,,ნაც. მოძრაობას“ მუდმივად გააჩნდა და არასდროს შეცვლილა“, – განაცხადა გიორგი ვოლსკიმ.
ინფორმაციისთვის: მედიაჰოლდინგ “ქრონიკა +”-ის მთავარი რედაქტორი, ელისო კილაძე სკანდალურ მასალებს ასაჯაროვებს და ამტკიცებს, რომ ტელეკომპანია “მთავარი არხის” გენერალური დირექტორის ნიკა გვარამიას შეკვეთილი მკვლელობის საქმესთან დაკავშირებული პირები, რუსეთის მოქალაქეები, სუს-ის კონტრტეტორისტული სამსახურის უფროსმა, ალექსანდრე მაისურაძემ ყაზბეგის სასაზღვრო გამშვები პუნქტის გავლით ქვეყნიდან გაიყვანა.
ავტორი
ნინი ხიჯაკაძე
