“გვაჩვევენ რეპრესიებს და გვსინჯავენ შემგუებლობა, კონფორმიზმზე – მე არ ვაპირებ ამასთან შეგუებას” – ელენე ხოშტარია

პოლიტიკური პარტია “დროას” ლიდერი, ფეისბუქის პირად გვერდზე გამოქვეყნებულ პოსტში, კულტურისა და ხელოვნების სფეროში შექმნილ პრობლემებზე საუბრობს და კონკრეტულ სამოქმედო გეგმას სთავაზობს საზოგადოებას:

“ის რაც მუზეუმში და ზოგადად ხელოვნების სფეროში ხდება, ცდება უბრალოდ ინდივიდუალურ პრობლემებს. ღიად დააანონსეს რეპრესიები კულტურის სფეროში. ნებისმიერი, ფბ პოსტის მიხედვით, პეტიციის ხელმოწერის მიხედვით თუ სადმე სამზარეულოში გამოთქმული აზრის მიხედვით არის სამსახურიდან გაგდებული. გარდა იმისა, რომ ამ ადამიანებს საშინლად ექცევიან, არანაკლებ საშინლად გვექცევიან ჩვენ, გვაჩვევენ რეპრესიებს და გვსინჯავენ შემგუებლობა, კონფორმიზმზე.

მე არ ვაპირებ ამასთან შეგუებას:

1. ყველა დაზარალებულს ვთავაზობ იურიდიულ დახმარებას;

2. ყველა დაზარალებულს ვთავაზობ ვიმუშაოთ და ეს საქმე გავიტანოთ გარეთ, შესაბამის ინსტიტუტებში;

3. ყველა მსურველს ვთავაზობ შეხვედრას (კოვიდიდან გამომდინარე ზუმ შეხვედრა, დროს მოგაწვდით);

4. დავორგანიზდეთ და გავაპროტესტოთ.

დიდი მადლობა ეკა კიკნაძეს, რომელიც ორგანიზებულად და აქტიურად იბრძვის. მას თანადგომა ჭირდება“, – აცხადებს ელენე ხოშტარია.