“ამას ხიბლის ცოდვას ეძახიან, მიხეილ სააკაშვილი ხიბლშია ჩავარდნილი” – გიორგი ვოლსკი

279

პარლამენტის პირველი ვიცე-სპიკერი გიორგი ვოლსკი პოლიტიკურ შეფასებას და კონკრეტულ პოზიციას აფიქსირებს საქართველოს მე-3 პრეზიდენტის მიერ სასამართლო პროცესზე გაკეთებულ განცხადებასთან დაკავშირებით. მმართველი პარტიის ლიდერს მიაჩნია, მიხეილ სააკაშვილს არ სურს თვალი გაუსწოროს რეალობას და ფიქრობს, რომ იგი ერთადერთია, რომელიც ოპოზიციის ლიდერად მოიაზრება ,,ნაციონალური მოძრაობის“ მიერ:

,,მიხეილ სააკაშვილის განცხადებასთან დაკავშირებით – ამას ხიბლის ცოდვას ეძახიან, ხიბლშია ჩავარდნილი. აქ თითქოსდა რეალობას თვალი არ უნდა გაუსწოროს, მაგრამ ვფიქრობ, რომ იგი ერთადერთია, რომელიც ოპოზიციის ლიდერად მოიაზრება ,,ნაციონალური მოძრაობის“ მიერ. ფაქტიურად, მის გარდა არ არსებობს სხვა ლიდერი.

აქედან გამომდინარე, მთელი ოპოზიციური სპექტრი, ვინც ,,ნაც. მოძრაობის“ სატელიტებად შეიძლება მოვიაზროთ, თავად ,,ნაც. მოძრაობა“ ცდილობს, რომ როგორმე ამ ბოდვაში გაამართლოს სააკაშვილი.

რეალურად საზღვრის უკანონო გადმოკვეთაზე არავინ საუბრობს. პოლიტიკური განცხადებები კიდევ უამრავი ვიხილეთ. თითოეულ თემასთან დაკავშირებით შეიძლება კამათი და არა მარტო კამათი.

შეიძლება დაზუსტებით ითქვას, რომ ეს არის პრაქტიკულად ის შეთქმულება, რომელიც იყო ჩაფიქრებული – არშემდგარი შეთქმულება, რომლის შემდეგ გარკვეული განცხადებების გაკეთება იმისათვის, რომ იქნებადა ისევ დაბრუნდეს ეს პროცესი დესტაბილიზაციის საერთო გეგმაში, რომელსაც სააკაშვილი მისდევდა, როდესაც საზღვარს კვეთდა.

საზღვრის გადაკვეთის დროს იმ ტრაილერიდან იგი საუბრობს მის გატაცებაზე იმ შემთხვევისათვის, თუ ტრაილერში აღმოაჩენდნენ საზღვრის დამრღვევს. აი, ეს არის ერთადერთი ახალი ნიუანსი, რომელიც შეიძლება სიახლე იყოს საზოგადოებისათვის.

მეტი დეტალურად შეფასება წარმოუდგენელია, თვითონ რასაც აკეთებს და აფასებს, ვინაიდან იგი დააჯერეს, როცა გადმოკვეთდა საზღვარს, მის გარშემო მთელი საქართველო გაერთიანდებოდა, რომ რევოლუციური პროცესი განევითარებინათ, შემდეგ იგი დააჯერეს, რომ მას გამოიხსნიან საკნიდან, მას მერე რაც აღშფოთებული ხალხი შეიკრიბება და დაუმორჩილებლობას გამოაცხადებენ და შემდეგ იგი დააჯერეს თუ თვითონ დაიჯერა, რომ არჩევნებში ,,ნაციონალური მოძრაობაა“ გამარჯვებული“, – განაცხადა გიორგი ვოლსკიმ.

ავტორი
ნინი ხიჯაკაძე

კომენტარები პუბლიკაციაზე