თბილისის საქალაქო სასამართლოში საქართველოს მე-3 პრეზიდენტის მორიგი პროცესი გაიმართა, რომელსაც მიხეილ სააკაშვილიც ესწრებოდა. სიტყვით გამოსვლის დროს ექსპრესზიდენტმა განაცხადა, რომ ის იყო მომეტებული საფრთხის წყარო როგორც ბიძინა ივანიშვილისთვის, ასევე იმ ჩინოვნიკების, რომლებმაც ხელფასები გაიზარდეს:
,,მინდა გავაკეთო აღიარება – მე ვარ მომეტებული საფრთხის წყარო, ვარ!
ვისთვის ვარ მომეტებული საფრთხის წყარო? – მე ვარ მომეტებული საფრთხის წყარო ოლიგარქი ივანიშვილისთვის! იმაზეც ვერ არის წყნარად, რომ ციხეში ვზივარ.
მე ვარ მომეტებული საფრთხის წყარო იმ ხალხისთვის, ვინც ახლა ხელფასი გაიზირდა, ჩინოვნიკებისთვის! მაგალითად, 7 000 ლარი აქვს თბილისის საკრებულოს თავმჯდომარეს ხელფასი.
იყო ერთი ცნობილი თბილისის საკრებულოს თავმჯდომარე, რომელმაც მერე ,,ვარდების რევოლუციაში“ მიიღო მონაწილეობა. რამდენადაც მახსოვს, მას ჰქონდა ხელფასი 500 ლარი. სააკაშვილი იყო თუ არ ვცდები გვარად.
7 000 ლარი დაინიშნეს ხელფასი. ქუთაისის მერმაც დაახლოებით იგივე დაინიშნა.
ამ ხალხისთვის, მათი ხელფასისთვის მე ვარ მომეტებული საფრთხის წყარო“, – განაცხადა მიხეილ სააკაშვილმა.
ავტორი
ნინი ხიჯაკაძე
