დეპუტატ ბექა ნაცვლიშვილს კონკრეტული შეკითხვები აქვს შს მინისტრ გიორგი გახარიათან, მათ შორის ის, თუ რატომ დადგა რეზინის ტყვიების გამოყენების საჭიროება.
“განსაკუთრებით მაინტერესებს გიორგი გახარიას მოსვლა პარლამენტში, იმიტომ, რომ მე მაქვს კითხვები თვითონ იმ სპეცოპერაციასთან დაკავშირებით, იმ ღამესთან დაკავშირებით, რატომ ჩატარდა სპეცოპერაცია ამ ფორმით. არამხოლოდ რეზინის ტყვიების გამოყენების თვალსაზრისით, ყველაზე მძიმე იყო რეზინის ტყვიები, ძალიან მძიმე იყო რეზინის ტყვიები, რატომ დადგა ამის გამოყენების საჭიროება და საერთოდ რატომ გვაქვს აღჭურვილობაში რეზინის ტყვიები. აი, ეს კითხვები მაქვს უპირველეს ყოვლისა” – განაცხადა ნაცვლიშვილმა.
