,,სტრატეგია აღმაშენებლის“ გენერალური მდივანი და პარლამენტის წევრი, პაატა მანჯგალაძე პოლიტიკურ შეფასებას აკეთებს ე.წ. ,,შავი სიების“ შექმნასთან დაკავშირებით:
,,აქტივისტების ადგილზე ასეთი საიტის და ასეთი სიის შექმნას მოვერიდებოდი. ჩვენ ყველას, რა თქმა უნდა, გვაქვს ასეთი სია ჩვენთვის და ვიცით, ვინ არის კარგი და ვინ არის ცუდი ადამიანი, მაგრამ ამის საფუველზე თუნდაც ადამიანების ბულინგი, თუნდაც მომავალში მათ მიმართ სისხლის სამართლებრივი პასუხისმგებლობის დაყენების მუქარა, მე მგონი, არ იქნებოდა სწორი.
ყველაზე კარგი მეთოდია ნებისმიერ ადამიანთან დაკავშირებით, გადაწყვეტილება უნდა მიიღოს დამოუკიდებელმა სამართთლიანმა სასამართლომ.
რაც შეეხება სიას – რა თქმა უნდა, შეიძლება არსებობდეს, მაგრამ ,,შავი სია“, არ ვიცი, კარგი სახელი არ არის ნამდვილად“, – განაცხადა პაატა მანჯგალაძემ.
ავტორი
ნინი ხიჯაკაძე
