გარემოსდაცვითი ზედამხედველობის დეპარტამენტმა ხე-ტყის უკანონო ჭრის ფაქტები გამოავლინეს.
სამეგრელო-ზემო სვანეთის რეგიონული სამმართველოს თანამშრომლებმა 4 ფაქტი გამოავლინეს: აბაშის, ხობის, ზუგდიდისა და წალენჯიხის მუნიციპალიტეტებში, მოქალაქეებმა 117 ერთეული სხვადასხვა სახეობის ხე-ტყე უკანონოდ მოჭრეს.
ხოლო ქვემო ქართლის რეგიონული სამმართველოს თანამშრომლებმა ხე-ტყის უკანონო ჭრის 6 ფაქტი გამოავლინეს: მარნეულის, წალკისა და თეთრიწყაროს მუნიციპალიტეტებში, მოქალაქეებმა 30 ერთეული სხვადასხვა სახეობის ხე-ტყე უკანონოდ მოჭრეს.
სამართალდამრღვევების მიმართ შედგა ადმინისტრაციული სამართალდარღვევის შესახებ ოქმები. საქმის მასალები შემდგომი განხილვის მიზნით, გადაიგზავნა შესაბამის რაიონულ სასამართლოებში.
კომენტარები - დატოვეთ თქვენი მოსაზრება
