ველური ბუნების ეროვნული სააგენტოს მორიგი საინტერესო ინფორმაცია: საქართველოს ველური ბუნების ბინადარი ვარდისფერი ვარხვი – Great white pelican (Pelecanus onocrotalus) – დიდი ზომის წყალმცურავი ფრინველია ვარხვისებრთა ოჯახისა.
საქართველოში გვხვდება გადაფრენისას და ზამთარში. მიმოფრენის დროს შეინიშნება ჭოროხის დელტაზე, სხვა დროს — ჯავახეთისა და ქვემო ქართლის ტბებზე (კარწახი, კუმისი და სხვ.), კოლხეთის დაბლობზე (პალიასტომის ტბის ნაპირებზე, ყულევისა და ჭურიის ჭაობებზე), იზამთრებს ჯანდარისა და კუმისის ტბებზე, ასევე — მტკვრის, ალაზნისა და ივრის აუზების პატარა ტბებზე. მცირე რაოდენობით ბუდობს ჯავახეთში, უმეტესად კარწახის ტბაზე, სადაც 280-მდე ბუდე შეინიშნება ყოველწლიურად.
შეტანილია საქართველოს „წითელ წიგნში“.
ფოტო: Levan Kobalia
