“პოსტ ფაქტუმ”-ის წამყვანის, გიორგი გაბუნიას მიერ მაყურებელთან თავისებურ გამომშვიდობებას ეხმაურება “მთავარი არხის” გენერალური დირექტორი ნიკა გვარამია და კონკრეტულ განმარტებას აკეთებს:
“შევღონდი პირად მესიჯებზე პასუხის გაცემით.
გიორგი გაბუნია არათუ არ მიდის მთავარი არხიდან, თანამდებობრივად წინაურდება.
მეტი აღარ მკითხოთ არაფერი, თორემ “მთავარი არხიდან” კი არა, ამ ქვეყნიდან გავისტუმრებ იმ ქვეყანას😂🙏🏻“, – წერს ნიკა გვარამია ფეისბუქის პირად გვერდზე.
ინფორმაციისთვის: კვირას, “პოსტ ფაქტუმ”-ის წამყვანმა, გიორგი გაბუნიამ გადაცემა დაასრულა შემდეგი მონოლოგით – “ეს იყო ამ წლის ბოლო “პოსტ ფაქტუმ”-ი და ბოლო სიუჟეტი, თუმცა გადაცემა ჯერ მაინც არ დასრულებულა, რამდენიმე წუთში, რეკლამის შემდეგ, თქვენ ნახავთ, “Post Factum”-ის წლის საუკეთესო სიუჟეტებს იმ ადამიანების შესახებ, ვინც გვასახელა 2021-ში და შემდეგ იმ დიდ ადამიანებზე, რომლებიც დავკარგეთ 2021 წელს. ამ სიუჟეტებს თქვენ უკვე, ჩემს გარეშე ნახავთ მე, შესაბამისად, აქვე გისურვებთ ბედნიერ დღესასწაულებს და გემშვიდობებით, ჩვენ ერთმანეთს აღარ შევხვდებით… კარგად იყავით!“
