ვლადიმერ ბოჟაძე: “მომხმარებლებისთვის მგზავრობა არა მხოლოდ უფრო კომფორტული არამედ, უფრო ხელმისაწვდომიც ხდება”

სამოქალაქო საზოგადოების და დემოკრატიის განვითარების ცენტრის დირექტორი, ანალიტიკოსი ვლადიმერ ბოჟაძე თბილისში დაგეგმილ ახალ სამგზავრო-სატარიფო სისტემის შემოღებას ეხმიანება და კონკრეტულ არითმეტიკულ გაანგარიშებებს წარმოადგენს:

“ულიმიტო სააბონენტო გადახდის სისტემის შემთხვევაში უდიდესი რაოდენობის მომხმარებლებისთვის მგზავრობა არა მხოლოდ უფრო კომფორტული არამედ, უფრო ხელმისაწვდომიც ხდება:

• 1 თვიანი, 40 ლარიანი პაკეტის შეძენის შემთხვევაში, 30 დღეზე გაანგარიშებით, დღიური მგზავრობის საფასური იქნება 1.33 ლარი;

• 3 თვიანი, 100 ლარიანი პაკეტის შეძენის შემთხვევაში, 90 დღეზე გაანგარიშებით, დღიური მგზავრობის საფასური იქნება 1.11 ლარი;

• 6 თვიანი, 150 ლარიანი პაკეტის შეძენის შემთხვევაში, 180 დღეზე გაანგარიშებით, დღიური მგზავრობის საფასური იქნება 0,83 ლარი;

• 1 წლიანი, 250 ლარიანი პაკეტის შეძენის შემთხვევაში, 365 დღეზე გაანგარიშებით, დღიური მგზავრობის საფასური იქნება 0, 68 ლარი“, – წერს ფეისბუქის პირად გვერდზე ვლადიმერ ბოჟაძე.