“ერთიანი ნაციონალური მოძრაობის” პოლიტსაბჭოს წევრი ხატია დეკანოიძე მიესალმება პრეზიდენტებს შორის დიალოგის დაწყებას და აქვს მოლოდინი, რომ მოხდება შეხვედრა და შედგება დიალოგი მე-3 პრეზიდენტ მიხეილ სააკაშვილთანაც:
“პრეზიდენტ გიორგი მარგველაშვილის სურვილი შეხვდეს სააკაშვილს, ასევე სალომე ზურაბიშვილის მცდელობა დაიწყოს ცივილიზებული პროცესი – არის მნიშვნელოვანი.
სკეპტიკოსების მოსაზრება სრულიად გასაგებია, მაგრამ მნიშვნელოვანია, რომ პროცესი დასაწყისშივე არ დავაზიანოთ და ხელი შევუწყოთ ყველანაირი ფორმით.
მაქსიმალურ ძალისხმევას ჩავდებ, რომ ამ პროცესმა მცირე შედეგი მაინც გამოიღოს“, – წერს ფეისბუქის პირად გვერდზე ხატია დეკანოიძე.
