საქართველოს გაერთიანებული შტაბის ყოფილი უფროსის, გენერალ გიორგი კალანდაძის დაკავების ფაქტს ეხმიანება თავდაცვის ყოფილი მინისტრი, პარტია “გამარჯვებული საქართველოს” ლიდერი ირაკლი ოქრუაშვილი:
“გენერალიო. გენერალი არა, რიონის ფლოტის ადმირალი და შავი ზღვის აკვატორიის გენერალ-გუბერნატორი. 2007 წლიდან დღემდე რომ გრძელდება ასეთი გენერლების შტამპვა ქსეროქსზე გადაღებულივით, იმიტომაა ჯარში საქმე კარგად. თან ომის გმირიო, კაცოო… ამის საქმენი საგმირონი 2008-ში მისი ბრიგადის ჯარისკაცებს ჰკითხეთ“, – წერს ფეისბუქის პირად გვერდზე ირაკლი ოქრუაშვილი.
ყოფილი თავდაცვის მინისრტრი, განმარტებებისთვის დამატებით კომენტარს აკეთებს:
“ორაზროვნება და გაუგებრობა რომ გამოვრიცხოთ, ორთოდოქსი ნაცების გასაგონად ვიტყვი, რომ ამ ჩოილარმა 2009 წელს რადიატორზე ხელბორკილით დააბა ერთ-ერთი საუკეთესო სამხედრო და 10 კაცთან ერთად სცემა მხოლოდ იმის გამო რომ ჩემთან აგრძელებდა ურთიერთობას. ოღონდ ეგ ოფიციალურ ბრალში არა აქვს. არ გინდათ ჯარზე ჩემთან კამათი და ლუსეთი ლუსეთის ძახილი“, – განმარტავს ირაკლი ოქრუაშვილი.