“სტრატეგია აღმაშენებლის” ლიდერმა გიორგი ვაშაძემ, “მინისტრის საათის” ფორმატში, პარლამენტის საშემოდგომო სესიის პლენარულ სხდომაზე მიწვეულ იუსტიციის მინისტრ რატი ბრეგაძეს კონკრეტული შეკითხვები დაუსვა. ოპოზიციონერმა ლიდერმა მინისტრს სახელმწიფო ქონების გაფლანგვის შესახებ აუდიტის დასკვნა წარუდგინა და დაინტერესდა თუ რა რეაგირებას ახდენს ამ საკითხთან დაკავშირებით:
“მე მაქვს აუდიტის რამდენიმე დასკვნა წლების მიხედვით, მათ შორის 2021 წლის დასკვნა და წაგიკითხავთ რამდენიმე ციფრს: 2 713 000 ლარი; 719 000 ლარი; 1 491 000 ლარი; 651 000 ლარი და ა.შ. ეს არის თქვენს სისტემაში შემავალ სხვადასხვა უწყებებში დანაკლისი, რაც ნიშნავს, რომ სახელმწიფო ქონების გაფლანგვა ხდება, ვიღაცის მიერ მითვისება ხდება.
მაინტერესებს, თქვენ რა რეაგირება გაქვთ ამ საკითხთან დაკავშირებით? რატომ არ ხდება ამ საქმეების გამოძიება? არავინ არ არის პასუხისმგებელი, ამხელა თანხების გაფლანგვაზე და კორუფციულ სქემეებზე თქვენს უწყებაში.
ხომ არ ხდება ისე, რომ კორუფცია არის მართვის მთავარი მექანიზმი, მათ შორის სასჯელაღსრულების სისტემაში, რომელიც ყოველთვის თქვენს პოლიტიკურ დავალებებს ასრულებს?”, – აცხადებს გიორგი ვაშაძე.
ინფორმაციას პოლიტიკური პლატფორმა “გიორგი ვაშაძე – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
