ჯანდაცვის მინისტრის პოსტიდან გადადგომის თაობაზე განცხადების გაკეთების შემდეგ, მთავრობის ადმინისტრაციაში დღეს გამართულ სხდომას არ დასწრებია ეკატერინე ტიკარაძე, რასთან დაკავშირებით, მედიასთან გაკეთებულ კომენტარში განაცხადა, რომ ეს არანაირი პროტესტის გამო არ ყოფილა და ამაში ნუ ეძებენ ინტრიგას:
“არანაირი პროტესტი არ ყოფილა, ამის საფუძველი არ არსებობს და საერთოდ ვთვლი, რომ პროტესტი არის დესტრუქცია.
მე მოვუწოდებ ზოგადად საზოგადოებას, რომ არ მიმართონ არანაირი პროტესტის ფორმას და ამას, რა თქმა უნდა, ჩემი მხრიდან ისედაც არ დავუშვებ.
ამიტომ გთხოვთ, ნუ ეძებთ ნურანაირ ინტრიგებს იმიტომ, რომ ის უბრალოდ არ არსებობს“, – განაცხადა ეკატერინე ტიკარაძემ.
