პარტია “ევროპული დემოკრატების” გენერალური მდივანი სოციალურ ქსელში ეროვნული შერიგების იდეას ეხმაურება:
“საყოველთაო პატიება! ეროვნული შერიგება! ძმობა და სიყვარული!
სამწუხაროდ, ამ სიტყვების უკან, პათეტიკური ლაყბობის გარდა არაფერი დგას. პოლიტიკურმა კლასმა მოახერხა ეროვნული შერიგების იდეის პროფანაცია და კონკრეტული პოლიტიკური ფიგურებისთვის, ერთის ამნისტიისა და მეორის ხელშეუხებლობის გარანტიის მიცემამდე დაყვანა.
არ გამოვა ბატონებო!
შეთანხმება ვერ შედგება პოლიტიზირებული სასამართლოსა და სამართალდამცავი სისტემის პირობებში. შეიცვლება ხელისუფლება და ახალი მთავრობა იგივეს დანაშაულს გაიმეორებს,” – წერს ფეისბუქის პირად გვერდზე მამუკა გამყრელიძე.
