,,სტრატეგია აღმაშენებლის” გენერალური მდივანი პაატა მანჯგალაძე პოლიტიკური შეფასებას აკეთებს სახელმწიფო უსაფრთხოების სამსახურის საქმიანობასა და მათი მხრიდან პოლიტიკოსების დაკითხვებთან დაკავშირებით. ოპოზიციონერი ლიდერის აზრით, ყოველივე მიზანმიმართულად ხდება ოპოზიციის წინააღმდეგ:
,,სახელმწიფო უსაფრთხოების სამსახური გადაიქცა პარტიების დევნისა და სადამსჯელო ორგანიზაციად, ნაცვლად მისი ფუნდამენტური უფლებისა, რომ ზრუნავდეს ქვეყნის უსაფრთხოებაზე!
ქვეყნის უსაფრთხოებაზე ზრუნვა მათ მიაჩნიათ პარტიებზე თვალთვალი, არჩევნებში მონაწილეობა, ხალხზე ინფორმაციის შეგროვება და პოლიტიკური ლიდერების ასევე თვალთვალი და დევნა!
ეს ხდება მიზანმიმართულად! ამას აკეთებს სახელმწიფო უსაფრთხოების სამსახური იმისთვის, რომ მოახდინოს ოპოზიციური ლიდერების დემონიზება. თითქოს ,,ქართული ოცნება” არის მშვიდობის მხარეს, არეულობა და ქაოსი უნდა ოპოზიციას – ეს არის მარტივი ხრიკი, მარტივი პიარსვლა, ასე ვთქვათ”, – განაცხადა პაატა მანჯგალაძემ.
ავტორი
ნინი ხიჯაკაძე
