,,სტრატეგია აღმაშენებლის” ლიდერი გიორგი ვაშაძე პოლიტიკური შეფასებას აძლევს საპარლამენტო უმრავლესობის მიერ მიღებულ გადაწყვეტილებას უზენაეს სასამართლოში უვადოდ 4 მოსამართლის გამწესებასთან დაკავშირებით. ოპოზიციონერი ლიდერის თქმით, ამ ბრძოლაში უკან დახევა არ შეიძლება, ქვეყანაში უნდა დამკვიდრდეს სამართლიანი სასამართლოს პრინციპი:
,,არავინ ენდობა იმ კლანურ მართლმსაჯულებას, რომელიც დღეს ქვეყანაშია. საბოლოო ჯამში, ამით ზიანდებიან ჩვენი მოქალაქეები, ჩვენი სახელმწიფო ინტერესები.
დღეს მათ გააფორმეს კლანური მართლმსაჯულება კიდევ ერთხელ ქვეყანაში. ჩვენ არც ერთ შემთხვევაში უკან არ უნდა დავიხიოთ.
უნდა ვიბრძოლოთ იმისთვის, რომ მოვიპოვოთ სამართლიანი მართლმსაჯულება, დავამკვიდროთ სამართლიანი სასამართლო პრინციპი საქართველოში”, – განაცხადა გიორგი ვაშაძემ.
ავტორი
ნინი ხიჯაკაძე
