საქართველოს პარლამენტის თავმჯდომარის პირველი მოადგილე გიორგი ვოლსკი ეხმაურება ოპოზიციის პროტესტს, ბათუმისა და ზუგდიდის საკრებულოების მიერ ბიუჯეტის დამტკიცებას მოჰყვა. მისი თქმით, რადიკალებს არ სურთ პრობლემებზე მსჯელობა, ქმნიან ქაოსს, რითაც ცდილობენ პოლიტიკური დივიდენდების მიღებას და ამასთან პარლამენტის ვიცე-სპიკერისთვის გაუგებარია ოპოზიციის მოსაზრება, რომ მმართველი პარტია ბიუჯეტს თავის თავზე ირგებს:
,,არაპროფესიონალურია ასე შეფასება. რას ჰქვია ბიუჯეტი თავის თავზე როგორ უნდა მოირგოს გინდ ,,ქართულმა ოცნებამ“, გინდ ნებისმიერმა სხვამ?!
არსებობს პროექტი, რომელიც უნდა განხორციელდეს კონკრეტული რეგიონისთვის. თუ რამე ისეთი არსებობს, რომელიც მოსახლეობას არ გამოადგება, ამისთვის ჰყავს საკრებულოში უმრავლესობა, რომელსაც შეუძლია ამ საკითხებზე იმსჯელოს, მაგრამ მსჯელობის პროცესში არ უნდათ შემოსვლა. მათ ელემენტარული გადაწყვეტილებების მიღება უნდათ. არ მტკიცდება ბიუჯეტი, იქმნება ქაოსი, პრობლემები და რეალურად ეს პრობლემები აისახება საზოგადოებაზე, რომელიც შემდგომ გამოხატავს თავის უკმაყოფილებას.
ამ ქაოსში და ჯახებში შეიძლება რამე პოლიტიკური დივიდენდი მიიღოს. ეს არის გეგმა!“, – განაცხადა გიორგი ვოლსკიმ.
ავტორი
ნინი ხიჯაკაძე
