,,ერთიანი ნაციონალური მოძრაობის“ პოლიტიკური საბჭოს წევრმა ლევან ბეჟაშვილმა პარტიის ოფისში გამართულ ბრიფინგზე განაცხადა, რომ ვადაგასული საკრებულოების გადაწყვეტილებას სასამართლოში გაასაჩივრებენ, რადგან ცენტრალურმა საარჩევნო კომისიამ უკვე განსაზღვრა ახალი საკრებულოების ჩამოყალიბების ვადები:
,,ვადაგასული საკრებულოების მიერ მუნიციპალიტეტის ბიუჯეტის დამტკიცება ეწინააღმდეგება კონსტიტუციის მე-9 თავით განსაზღვრული თვითმმართველობის ორგანიზების წარმომადგენლობით და ექსკლუზიორების პრინციპებს.
მაშინ, როცა ახალი საკრებულოები არჩეულია და ცენტრალურ საარჩევნო კომისიას ახალი საკრებულოების დანიშვნის ვადა უკვე განსაზღვრული ჰქონდა, გუშინდელი მოქმედება იყო პირდაპირი დანაშაული სახელმწიფოს წინააღმდეგ.
ეს არის ძალაუფლების მიტაცება, ყველაზე მძიმე დანაშაული. ბუნებრივია, აქ ცენტრალურ საარჩევნო კომისიასთან ერთად ,,ქართულ ოცნებასაც“, როგორც პოლიტიკურ ძალას, ეკისრება მთავარი პასუხისმგებლობა.
ამიტომ ჩვენ, ბუნებრივია, ამ პროცესს აუცილებლად წარვმართავთ სასამართლოებში“, – განაცხადა ლევან ბეჟაშვილმა.
ავტორი
ნინი ხიჯაკაძე
