პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილე ალუდა ღუდუშაურმა ,,ერთიან ნაციონალური მოძრაობას“ მოუწოდა, რომ თავი დაანებონ დესტრუქციისა და საბოჟატის მოწყობას, ხოლო დროულად დაუბრუნდნენ ნორმალურ პოლიტიკურ საქმიანობას:
,,მინდა, მოვუწოდო და ვურჩიო ,,ნაციონალურ მოძრაობას”, რომ ხელი აიღოს იმ განზრახვისგან, რომლის მიზანიც არის არეულობის კერების შექმნა.
მე მინდა მათ ვურჩიო, რომ თავი დაანებონ დესტრუქციას, საბოტაჟს, არეულობის მოწყობას და დაუბრუნდნენ ნორმალურ პოლიტიკურ საქმიანობას.
თუ ამის რესურსი არ გააჩნიათ და სხვა, ასე ვთქვათ, გზა არ დარჩენიათ გარდა იმისა, რასაც ახლა თვითონ ამ ბათუმის საკრებულოში აქვს ადგილი და წარმომადგენლებს არ აძლევენ საშუალებას განახორციელონ თავისი საქმიანობა, მე ვფიქრობ, რომ მათ მოუწევთ კანონთან წინააღმდეგობაში შესვლა, რისთვისაც აუცილებლად მოუწევთ, ასევე, პასუხისმგებლობა”, – განაცხადა ალუდა ღუდუშაურმა.
ავტორი
ნინი ხიჯაკაძე
