საქართველოს საპატრიარქო მიესალმება ონლაინკაზინოებთან დაკავშირებით მთავრობის გადაწყვეტილებას, – ამის თაობაზე ტელეკომპანია ,,იმედი”-ს ეთერში, საინფორმაციო გამოშვებაში ,,ქრონიკა”.
საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე:
,,აზარტული თამაშები იტაცებენ ახალგაზრდებს, ახალგაზრდები დამძიმებული არიან ამ ვალდებულებებით, რომლებიც აზარტულ თამაშებს მოსდევს, არიან ასოციალურნი და, ფაქტობრივად, ჩვენ ახალგაზრდებს ვკარგავთ.
თითოეულ სასულიერო პირს რამდენიმე ოჯახთან გვაქვს ურთიერთობა. მათი ოჯახის წევრის ნარკომანიით თუ გემბლინგით დაავადების გამო, მთელი ოჯახი დაავადებულია და ყველა მოძღვარი დამეთანხმება, რომ ჩვენ ჩვენს მრევლში გვაქვს შეხება ამ ადამიანებთან, ვხედავთ ამ ოჯახების უბედურებას და ამიტომ მე შემიძლია თამამად ვთქვა, რომ ნებისმიერ ჩვენგანს ძალიან დიდ იმედსა და სიხარულს ანიჭებს ეს ინიციატივა“, – აცხადებს ანდრია ჯაღმაიძე.