,,მთავარი არხის“ გენერალურმა დირექტორმა ნიკა გვარამიამ კომენტარი გააკეთა საქართველოს მე-3 პრეზიდენტის, მიხეილ სააკაშვილის გორის სამხედრო ჰოსპიტალში გადაყვანის თაობაზე. მისი თქმით, ამ ეტაპზე ყველაზე მნიშვნელოვანია შიმშილობის შემდგომი პროცესის სწორად მკურნალობა, რადგან ნებისმიერი შეცდომის დაშვების შემთხვევაში ფატალურობის რისკი საკმაოდ მაღალია:
,,ჩვენთვის მნიშვნელოვანი იყო სამართლებრივად ამ ყველაფრის დაფიქსირება. კმაყოფილები ვართ იმ პროცედურით, რომელიც ჩატარდა – გადმოყვანის და დაბინავების. ადვოკატების ვიზიტები, ბუნებრივია, რომ შეუზღუდავია. თუმცა, გარკვეული დროით შეზღუდვები იქნება გამომდინარე იქიდან, თუ რა პროცედურა უტარდება პაციენტს და რა ვითარებაშია იგი.
ჩვენ ახლა შევდივართ მკურნალობის ყველაზე უფრო რთულ ფაზაში, რომელიც ფილიგრამულ ჩარევას საჭიროებს. პრაქტიკულად გამორიცხავს შეცდომის დაშვების შესაძლებლობას იმიტომ, რომ ძალიან მაღალი არის რისკი შეცდომის ფატალურობის, თუ ეს იქნა დაშვებული.
მინდა, რომ შედგეს სწორი პროტოკოლი ე.წ. რეფიდინგი და ამის შემდგომ უკვე დაიწყოს სრულფასოვანი და სწორი მკურნალობა ძალიან რთული ფაზის – შიმშილობის შემდგომი რეაბილიტაციის. ჩემთვის ასევე მნიშვნელოვანია ყოველდღიური ანგარიშგება, იგივე ბატონ ნიკასთან და სამივე ჯგუფთან.
სახალხო დამცველის მანდატი შეუზღუდავად მუშაობს და მას ვერავინ შეაფერხებს“, – განაცხადა ნიკა გვარამიამ.
ავტორი
ნინი ხიჯაკაძე
