მიხეილ სააკაშვილის გორის სამხედრო ჰოსპიტალში გადაყვანის გადაწყვეტილებას ეხმიანება პოლიტიკური პლატფორმა “სტრატეგია აღმასენებლის” თავმჯდომარე, გიორგი ვაშაძე და მას გონივრულ გადაწყვეტილებად მიიჩნებს:
“ნამდვილად გონივრულია ხელისუფლების გადაწყვეტილება მიხეილ სააკაშვილის სამოქალაქო კლინიკაში გადაყვანასთან დაკავშირებით.
ამით, პირველ რიგში, გადავარჩენთ ადამიანის სიცოცხლეს და ჯანმრთელობას და მეორე, – ამ ნაბიჯით ქვეყანას ავარიდებთ სამოქალაქო დაპირისპირების საფრთხეს.
რაც შეეხება სხვა საკითხებს – ეს საერთო სახალხო ბრძოლის საქმეა, რომლის შედეგები ჩვენს მონდომებაზე და აქტივობაზეა დამოკიდებული და მჯერა, ეს აუცილებლად დასრულდება საქართველოს და ქართველი ხალხის გამარჯვებით!” – წერს ფეისბუქის საკუთარ გვერდზე გიორგი ვაშაძე.
კომენტარები - დატოვეთ თქვენი მოსაზრება