პარტია ,,ქართული ოცნება – დემოკრატიული საქართველოს“ თავმჯდომარემ ჟურნალისტებთან კომენტარი გააკეთა სახალხო დამცველის, ნინო ლომჯარიას მიერ მიხეილ სააკაშვილის სამედიცინო მომსახურების მონიტორინგის მიზნით მულტიპროფილურ ექსპერტთა ჯგუფის შექმნასთან დაკავშირებით და აცხადებს, რომ ნდობას არ იმსახურებს. მმართველი გუნდის ლიდერის თქმით, ამ ყველაფერზე მეტყველებს ისიც, რომ სამედიცინო ექსპერტთა ჯგუფი არის უკიდურესად პოლიტიზირებული:
,,თქვენ იცით, ზოგადად, როგორია ჩვენი ნდობის ხარისხი ლომჯარიას მიმართ – ეს ერთი.
ნდობას რომ არ იმსახურებს, ეს გამომჟღავნდა იმ შემადგენლობითაც, რომელიც გამოქვეყნდა.
ყველა ხედავთ, რომ ამ ჯგუფის, თითქმის ყველა წევრი, არის პოლიტიკურად უკიდურესად მიკერძოებული, რაც დასტურდება არაერთი მათი საჯარო განცხადებით.
აქედან გამომდინარე, პოლიტიკური ინტერესი ამ ნაბიჯის უკან ძალიან ნათლად იკითხება. ეს არის კიდევ ერთი სამწუხარო ნაბიჯი, რომელსაც ნინო ლომჯარია დგამს“, – განაცხადა ირაკლი კობახიძემ.
ავტორი
ნინი ხიჯაკაძე
