“ორცხობილა და მათრახის თემა არის კალკირებული გამოთქმა რუსულიდან” – გიორგი ვოლსკი

პარტია ,,ქართული ოცნება – დემოკრატიული საქართველოს“ თავმჯდომარის, ირაკლი კობახიძის განცხადებაზე პოლიტიკური შეფასება გააკეთა პარლამენტის პირველმა ვიცე-სპიკერმა გიორგი ვოლსკიმ. მმართველი გუნდის წევრს მიაჩნია, რომ საქართველოსთან ურთიერთობა არ უნდა განისაზღვრებოდეს რაიმე წინაპირობებით:

,,ორცხობილა და მათრახის თემა არის კალკირებული გამოთქმა რუსულიდან (метод “кнута и пряника”) და ნიშნავს იმას, რომ მიიღებ ორცხობილას, თუ კარგად მოიქცევი და მიიღებ მათრახს, თუ კიდევ ცუდად მოიქცევი. სწორედ ეს არის შედეგი, რასაც დღეს ვუყურებ და ოკუპირებულია საქართველოს ტერიტორიის მნიშვნელოვანი ნაწილი.

აქედან გამომდინარე, ეს გამოთქმა არ ეკუთვნის მხოლოდ ხელისუფლებას ან უმრავლესობის მხარდაჭერას. ეს ეკუთვნის მთელ საქართველოს და საკმაოდ შეურაცხმყოფელია. ერთი უნდა ახსოვდეთ, რომ ევროპასთან საქართველოს ურთიერთობა არ განისაზღვრება იმ ჩარჩოებში და იმ ფორმულირებით, რომელიც რუსეთის ფედერაციას ჰქონდა თავის მეზობელ ქვეყნებთან“, – განაცხადა გიორგი ვოლსკიმ.

ავტორი
ნინი ხიჯაკაძე