პარლამენტის ყოფილი დეპუტატი, სოციალურ ქსელში გამოქვეყნებული პოსტით ეხმაურება ირაკლი კობახიძის მიერ უცხოელ პარტნიორებთან მიმართებაში დაფიქსირებულ პოზიციას და პატივისცემას აფიქსირებს “ქართული ოცნების” თავმჯდომარისადმი:
“მოკლედ, გაკვირვებისგან ბნედა რომ დაგემართება ადამიანს, ეეე, სწორედ ეგრე ვარ ახლა…
კობახიძეზე რაიმე საქებარს თუ ვიტყოდი ოდესმე მაგას როგორ დავიჯერებდი… მაგრამ…
ჩემი პატივისცემა და მადლობა მას ამ წერილისთვის!
“მომავალში, როდესაც ჩვენი უცხოელი პარტნიორების ნაბიჯებს შევაფასებთ, ჩვენთვის სახელმძღვანელო სწორედ ამ წერილში ასახული მთავარი პრინციპი იქნება – ქართული სახელმწიფო ვერ ითანამშრომლებს იმ ადამიანებთან, რომლებიც კრიმინალების სასარგებლოდ პოლიტიკური მიკერძოების გამო, ამ სახელმწიფოს სახელმწიფოდ არ ცნობენ“, – აღნიშნულია ირაკლი კობახიძის განცხადებაში“, – წერს ფეისბუქის პირად გვერდზე ხათუნა ხოფერია.
