იუსტიციის მინისტრ რატი ბრეგაძის შეკითხვას ევროპარლამენტარ ანა ფოტიგას მისამართით, პოლიტ-პატიმრის მცნების განმარტებასთან დაკავშირებით, სოციალურ ქსელში გამოქვეყნებული პოსტით ეხმაურება ანალიტიკოსი გია ხუხაშვილი:
“მე განგიმარტავთ ბატონო რატი – პოლიტ-პატიმარი არის პირი, რომლის საქმეში ფიგურირებს პოლიტიკური კომპონენტი, ანუ მის მიმართ ხელისუფლების მხრიდან ხდება მართლმსაჯულების პოლიტიზირება, იმის მიუხედავად ის დამნაშავეა, თუ არა.
თქვენ ერთმანეთში გერევათ პოლიტ-პატიმრის და სინდისის პატიმრის განმარტებები. ან საიდან უნდა იცოდეთ განსხვავება ფუნთუშებზე გაზრდილმა ახალგაზრდამ, რომელსაც მხოლოდ ხელისუფლების ზურგს უკან ამოფარებულს შეგიძლიათ ყელ-ყელაობა და ორივე სტატუსი უცხოა თქვენთვის…” – წერს ფეისბუქის პირად გვერდზე გია ხუხაშვილი.
ინფორმაციისთვის – იუსტიციის მინისტრი რატი ბრეგაძე ევროპარლამენტარ ანა ფოტიგასადმი გაგზავნილ წერილში, პოლიტ-პატიმრის მცნების განმარტებასთან დაკავშირებით, შეკითხვას უსვამს ევროპარლამენტარს:
“თქვენს წერილში ახსენებთ წარსულში თქვენს ვიზიტებს „პოლიტიკური პატიმრების“ მოსანახულებლად. მადლობელნი ვიქნებით, თუ განმარტავთ, რას გულისხმობთ ამ ტერმინში, იმ ფაქტის გათვალისწინებით, რომ „ქართული ოცნების“ ხელისუფლებაში ყოფნის პერიოდში ადამიანის უფლებათა ევროპულ სასამართლოს თუ სხვა რომელიმე ავტორიტეტულ ინსტიტუტს ასეთად არ მიუჩნევია არცერთი პატიმარი საქართველოში“, – მიმართავს რატი ბრეგაძეს ანა ფოტიგას.
