პარლამენტის ადამიანის უფლებათა დაცვის კომიტეტის თავმჯდომარემ მიხეილ სარჯველაძემ კომენტარი გააკეთა მიხეილ სააკაშვილის მონახულებაზე ევროპარლამენატრ ანა ფოტიგასთვის უარის თქმასთან დაკავშირებით. კომიტეტის თავმჯდომარის განმარტებით, ევროპარლამენტარის თანამდებობა არ განაპირობებს რაიმე უპირატესობას:
,,თუ ევროპარლამენტარია არ ნიშნავს იმას, რომ ყველა სხვა შეხვედრა ჩახსნა და მხოლოდ ევროპარლამენტარი შეუშვა. ან მაგალითად, ასე ვთქვათ, რომ ევროპარლამენტარობა განაპირობებს ვინმეზე უპირატეს უფლებას შესვლა/არშესვლასთან დაკავშირებით და ა.შ. ეს აიხსნა და ლოგიკურია.
მე ნამდვილად არ მაეჭვებს ფაქტი იმის შესახებ, არ შეიძლება მიზეზად განვიხილოთ და ეჭვად მქონდეს, რომ შეიძლება ვარაუდობდნენ, რომ ვინმეს რამე დაუმალონ და არ აჩვენონ-თქო.
ბევრი ფაქტორი მიიღება მხედველობაში, როდესაც კონკრეტული პირის დაშვებაზე მიიღება გადაწყვეტილება, მათ შორის, სხვა ნებართვების სიმრავლე და ა.შ.
თუმცა, მე მგონია, რომ აქვე უნდა ვთქვა – სააკაშვილის მონახულებასთან და ამ კუთხით ნებართვების გაცემასთან დაკავშირებით, პრობლემა ბატონ სააკაშვილს ნამდვილად არასდროს შექმნია. მთელი ამ ხნის განმავლობაში უპრეცედენტოდ მაღალი იყო ამ შემთხვევაში, თუნდაც, გაცემული ნებართვები. ეს, მე ვფიქრობ, ეს ერთმნიშვნელოვნად საყურადღებოა“, – განაცხადა მიხეილ სარჯველაძემ.
ავტორი
ნინი ხიჯაკაძე
