,,ერთიანი ნაციონალური მოძრაობის“ პოლიტიკური საბჭოს წევრმა ხატია დეკანოიძემ კომენტარი გააკეთა სახელმწიფო დეპარტამენტის განცხადებაზე. ოპოზიციონერი ლიდერის თქმით, ხელისუფლება არღვევს საერთაშორისო კონვენციის ყველა მუხლს, რაც გულისხმობს თანამონაწილეობას მკვლელობასა და წამებაში, რასაც მისი თქმის ადასტურებ სტრატეგიული პარტნიორი ქვეყნის განცხადება:
,,სახელმწიფო დეპარტამენტის განცხადება ადასტურებს იმას, რომ საქართველოს ხელისუფლება იქცევა არაკანონიერად, მათ შორის, არღვევს საერთაშორისო კონვენციის ყველა მუხლს. გარდა ამისა, ეს არის თანამონაწილეობა მკვლელობასა და წამებაში, არაადამიანურ მოპყრობაში.
ამიტომ ასეთი განცხადებები კიდევ უფრო იქნება მზარდი, რა თქმა უნდა, ჩვენი საერთაშორისო პარტნიორებისგან. მათ შორის ,,Amnesty International“-ის ძალიან სერიოზული, მძიმე განცხადება დაიდო, რაც პირდაპირ ამბობდა იმას, რომ ეს არის წამება და არა მხოლოდ შერჩევითი სამართალი, არამედ პოლიტიკური შურისძიება.
ეს არის ზუსტად ჩვენი პროტესტის შინაარსიც, რაც გულისხმობს ზუსტად იმას, რომ მიხეილ სააკაშვილი დაუყოვნებლივ გადაიყვანონ სამოქალაქო სამედიცინო ცენტრში და შემდეგ უკვე ჩვენ, რა თქმა უნდა, მივაღწევთ იმას, რომ დავიბრუნებთ მოპარულ არჩევნებს“, – განაცხადა ხატია დეკანოიძემ.
ავტორი
ნინი ხიჯაკაძე
