ვაქცინაციის პროცესის პოპულარიზებისა და გააქტიურების მიზნით საკოორდინაციო საბჭომ ფინანსური წახალისების გადაწყვეტილება მიიღო და 60 წლის და მეტი ასაკის ადამიანი აცრის შემთხვევაში 200 ლარიან ერთჯერად დანამატს მიიღებს:
“200 ლარიან ერთჯერად დანამატს მიიღებს 60 წლის და მეტი ასაკის ყველა ის მოქალაქე, ვინც 31 დეკემბრის ჩათვლით COVID-19-ის საწინააღმდეგო ვაქცინით პირველადად (ორი დოზის აცრის შემთხვევაში, პირველი დოზით ვაქცინაცია) აიცრება.
სოციალური მომსახურების სააგენტოს ვაქცინირებულ პირთა შესახებ ინფორმაცია თვის განმავლობაში ორჯერ მიეწოდება და ინფორმაციის მიღებიდან მომდევნო 5 სამუშაო დღის ვადაში უზრუნველყოფს მოქალაქისთვის თანხის ჩარიცხვას.
ერთჯერადი დანამატის ჩარიცხვა „ლიბერთი ბანკთან“ გაფორმებული ხელშეკრულების ფარგლებში, მათსავე ანგარიშზე მოხდება.
ის მოქალაქეები, რომლებიც აცრის პირველ დოზას 2021 წლის დეკემბრის თვის ბოლოს გაიკეთებენ, ერთჯერად დანამატს 2022 წელს მიიღებენ,” – ნათქვამია სამინისტროს მიერ გავრცელებულ ინფორმაციაში.