,,სტრატეგია აღმაშენებლის“ პოლიტიკური საბჭოს წევრი სერგო ჩიხლაძე მწვავე შეფასებას აკეთებს ხელისუფლების ქმედებებთან დაკავშირებით პატიმარ მიხეილ სააკაშვილთან მიმართებაში. ოპოზიციონერი ლიდერი აცხადებს, რომ ასეთი ფაქტები რუსეთსა და ბელორუსშიც კი აღარ ხდება:
,,ერთი უბედურებაა, ულტიმატუმები გვჭირდება ხელისუფლებისადმი, რომ ადამიანის სიცოცხლე და სიცოცხლის უფლება იყოს დაცული. იმიტომ, რომ ასეთი რამ ბელორუსშიც და რუსეთშიც კი აღარ ხდება, ასეთ დარღვევებს რომ ჰქონდეს ადგილი…
მეორე მნიშვნელოვანი და ამაზრზენი ფაქტი ის არის, რომ ხელისუფლების მხრიდან ფაქტიურად ადგილი აქვს ფსიქოლოგიურ ტერორს დაუძლურებულ პატიმარზე, მიხეილ სააკაშვილზე, რომ მან ის მიკროელემენტი, ის აბები ან გადასხმები არ მიიღოს.
ფაქტიურად ეს არის გზავნილი, რომ უნდა მოკვდეო – ეუბნება ხელისუფლება!“, – განაცხადა სერგო ჩიხლაძემ.
ავტორი
ნინი ხიჯაკაძე
