პარლამენტის თავმჯდომარე კახა კუჭავა პარტია ,,დროას“ თავმჯდომარის ელენე ხოშტარიას ჯანმრთელობის მდგომარეობით დაინტერესდა და მოშიმშილე ოპოზიციონერის მონახულების შემდეგ განაცხადა, რომ მისი მოსვლის მიზანი იყო გაერკვია – იყო თუ არა შესაბამისი პირობები შექმნილი:
,,უბრალოდ მოვინახულე. მაინტერესებდა ჰქონდა თუ არა ყველანაირი პირობა. ყველამ იცოდეს, რომ პარლამენტში მთელი დღის განმავლობაში ექიმი მუშაობს. თუ საჭირო იქნება ყოველთვის ქნება გამოყენებული მისი მომსახურებაც.
მაინტერესებდა თუ რამე აკლდა პირობები და ა.შ. ყველაფრით არის კმაყოფილი და ხაზზე ვიქნები თუ საჭირო იქნება.
არ გვისაუბრია ჩვენ ელენეს ჯანმრთელობის გარდა არაფერზე. ყველა ადამიანს აქვს შიმშილობის უფლება. ეს მათი უფლებაა. ჩემთვის მთავარი არის, რატომაც მოვედი, რომ რამე ხომ არ აკლია ან ჯანმრთელობის მდგომარეობა როგორია და მაქსიმალურად ჰქონდეს ყველანაირი პირობა აქ და კარგია, რომ არის შესაბამისი პირობები“, – განაცხადა კახა კუჭავამ.
ავტორი
ნინი ხიჯაკაძე
